Жетілдірілген жоба Бүгінгі таңда елімізде қазақ тілін латын әліпбиіне көшіруге байланысты жүйелі жұмыстар жүргізіліп келеді. «Тіл» оқу-әдістемелік орталығының қа-лалық филиалы да латын әліпбиіне негізделген қазақ әліпбиін насихаттау бағытында әртүрлі семинар, дөңгелек үстелдер өткізіліп, латын қарпіне негізделген әліпбидің рөліне маңыз беріліп келеді. Айта кетерлігі, жаңа емле-ережелерді үйретуге арналған курс ашылып, бүгінгі күнге дейін 113 тыңдаушы қатысты.

Қашықтан оқыту курсы «Тіл» оқу-әдістемелік орталығының Текелі қалалық филиалында «Рухани жаңғыру» бағдар-ламасының «Қазақ әліпбиін латын қарпіне көшіру» арнайы жобасы аясында ұйымдастырылған «Мемлекеттік тіл және латын қарпіне негізделген жаңа әліпбидің емле ережесі: ерекшеліктері мен өзгешеліктері» курсы еліміздегі төтенше жағдайға байланысты қашықтан оқытылуда. Бұл жөнінде орталық меңгерушісі Айгүл Қалысбаеваны әңгімеге тарттық.